تدوين : اضافة زر قراءة المزيد و التصنيفات

بسم الله الرحمن الرحيم

من اكثر الاسئلة اللي تجيني في مجال التدوين هو عن كيفية اضافة زر قراءة المزيد وترتيب التصنيفات ، اليوم ان شاء الله راح اوضح الطريقة.

زر قراءة المزيد اعتبرة مهم مرة ، منها يرتب شكل الصفحة الرئيسية للمدونة و ماتكون المواضيع سايحة على بعض و منها بعد ينشط ويعطي زيارات اكثر للمدونة بشكل عام ..

التصنيفات في المدونة بعد مهمة لكن لازم (من وجهة نظري) ماتكون كثيرة و مُخصصة لانه في نوع من التشتيت ، كل ماقَلت وكانت شاملة ، كل ماكانت اسرع في الوصول و ماتكلف على القارئ البحث بين اكثر من تصنيف ..

تابعي الصور القادمة لكل جزئية و ان شاء الله تكون واضحة ، الواجهة عندي للوحة التحكم بالانجليزي Dash Boared ، بس بكتب كل المسميات عربي و انجليزي ..

اضافة زر قراء المزيد | Read more 

من تحرير الموضوع ، وقفي على المكان اللي تبينه يقطع الكلام و اللي بعده مايظهر وبداله ايقونه قراء المزيد ، اي شي بعده ماراح يظهر في الصفحة الرئيسة ..

من الايقونات الموجودة فوق في التحرير ، اضغطي على هذا الزر ، مثل الورقة المقطوعة و راح ينضاف للمكان اللي كنتي فيه ..

ممكن تغيرين نص قراءة المزيد لعربي او انجليزي من خلال التخطيط | Layout كما في الصورة وتضيفين النص اللي تبين ..

من الاشياء اللي انا اشوفها ممكن تعطي شكل حلو واللي اتبعه في مدونتي ، ان الموضوع يكون له صورة رئيسية تكون في بداية الصفحة وهالصورة تكون شاملة لكل الموجود في التدوينة ، وبعدها اضيف اداة القطع Jump Break ، وكل شخص له تفضيله على راحتكم ..

اضافة التصنيفات و تعديلها | Adding-editing Labels 

لإضافة التصنيف للمواضيع ، وانتي في تحرير الموضوع راح تلقين على الجانب الايمن Labels يمكن يختلف لو واجهتك عربية بس نفس الترتيب .. نضغط على Labels وراح يفتح مربع نصي للكتابة ، لو ضايفة تصنيف من قبل راح تلقينه تحت هالمربع ، وممكن تختارينه لو يتعلق الموضوع بهذا التصنيف ، واذا بتضيفين تصنيف ، اكتبيها ، واضغطي انتر او Done.

واحفظي الموضوع .. شوفي الصور ..

لاضافة اداة التصنيفات Labels Widget في احد جوانب المدونة ..

من لوحة التحكم الخاصة بك ، اضغطي على اليسار تخطيط | Layout وبعدها اضافة Add widget - Labels 

تابعي الصور ،، وراح تنضاف عندك اداة التصنيفات في العمود الجانبي ..

لاختيار شكل عرض التصنيفات :

راح تظهر لك التخطيط العام لشكل المدونة ، نروح للجانب اليمين اللي فيه العمود الجانبي ونختار تصنيفات | Labels

نفس الطريقة السابقة ، ونفس اداة التصنيفات نختار نختار تحرير | Edit وراح تظهر النافذة التالية :

خيارات التعديل في النافذة : العنوان | Title .. اظهار | Show .. فرز | Sorting .. عرض | Display

هذي نافذة لتعديل بعض الخيارات في التصنيفات اللي بتظهر علي المدونة ، فوق راح نشوف عنوان Labels ممكن تغيرينه لعربي او تضيفين له ويصير Labels | تصنيفات مثلاً ..

وبعد من ضمن الخيارات المتاحة ، اظهار التصنيفات المطلوبة ، ممكن نخلي كل التصنيفات تظهر او نختار تصنيفات معينة لو كنتي ضايفة تصنيفات لك وماتبينها تطلع ،، احب التصنيفات العامة والشاملة مع اني ضايفة تصنيفات مخصصة لاسم ماركة مثلاً او منتج مثل مسكارا او فاونديشن بس ما اخليه ظاهر وبنفس الوقت يساعدني انا في ترتيب المواضيع وغرض البحث ..

ومن ضمن الخيارات بعد ، اظهار التصنيفات بشكل قائمة List او عائم يعني جنب بعض ..

وممكن بعده تظهرين عدد المواضيع اللي يحويها كل تصنيف .. وتغيرين مكان ظهور الاداة في العمود الجانبي بالسحب لفوق او تحت على رغبتك ،،

اضافة التبويبات العلوية :

التبويبات العلوية موجودة افتراضياً في بلوقر ، عبار عن الصفحات | Pages اللي انتي تسوينها ..

الصفحات تختلف عن مواضيع المدونة ، وغالباً تكون لاضافة صفحة تواصل او معلومات عن الكاتب ..

كيفية اضافة الصفحات : 

من لوحة التحكم للمدونة ، نختار صفحات | Pages ..

وراح تظهر نافذة شبيهه بالمواضيع للمدونة ،، ممكن نضيف اي صفحة ونكتب فيها معلومات او اشياء عامة تفيد القارى بس ماتكون مثل مواضيع المدونة و البوستات ، لان راح يكون عندك خيار اظهارها او لا مع امكانية ابقائها .. يعني ماراح تسوي شي او تطلع غصب مثل مواضيع المدونات اللي يا تطلع او تخلينها درافت ..

كيفية اضافة الصفحات للتبويبات العلوية :

من التخطيط | Layout - اختاري صفحات Pages تحرير | edit ، وراح تظهر لك نافذة .. 

راح تلقين الصفحات اللي ضايفتها عالجنب ، اضيفيها للتبويبات باختيارها بتنشيط الخيار Check box ..

ولو حبيتي تضيفين رابط خارجي او رابط لتصنيف واحد مثلاً ، من فوق ، اضافة رابط خارجي Add externaal link ، وبعدها راح تظهر لك نافذة تعبين فيها العنوان او المسمى و الرابط وفي النهاية حفظ .. 

في النهاية .. في صفحة الخدمات | Services 

مواضيع تهمك بالخطوات:

- تركيب قالب لمدونة بلوقر

- كيفية إضافة ايقونة المفضلة لرابط المدونة في بلوقر

- كيفية إضافة ايقونات شبكات التواصل للمدونة

ولو كنتي مُدونة وحابة تضيفين مدونتك في شبكة المُدونات | Bloggers Network ، افتحي صفحة الشبكة و انزلي لاخر الموضوع :*

ألقاكم في مواضيع قادمة ..

مع السلامة :*

ــــــــــــــــــــــــ

ليصلكِ الجديد ؛ اشتركِ معنـا
Subscribe to our mailing list