مشتريات وسوالف من اسبانيا | مدريد Spain | Madrid

بسم الله الرحمن الرحيم

سفرتنا لـ أسبانيا .. مدريد بالتحديد .. كانت رحلة حلوة وفيها احداث يعني خططنا لها بس ماصارت على الللي نبغى ..

الرحلة كانت لعشر ايام ، موزعة بين مدريد و برشلونة و باريس بس لظروف تعب بناتي ومرضي من تغيير الجو صارت كلها بس في مدريد .. ابتدت السفرة بتعب بس على اخرها الحمدلله انبسطنا و عوضنا الايام اللي فاتت وقضيناها كلها بس في مدريد ..

المشتريات كانت منوعة مابين مولات مدريد و سوق الاحد وهكذا ..

الاسعار لكل شي بحطه حسب اللي اذكره ، وباليورو € اللي يساوي ٤،٢٤ تقريباً ..

مشتريات الميك اب و الحاجات الحلوة :)

من ممحل عندهم مرة مشهور في اسبانيا اسمه El Corte Inglés فيه كل شي مثل فكرة دبنهامز عندنا يعرض اكثر من ماركة مختلفة من ناحية الملابس و المكياج و الادوات المنزلية وهكذا .. كل الاشياء اللي بذكرها من هالمحل ..

من ماركة اسبانيه اسمها Etnia , هالبرونزر المطفي حبيته من اول نظرة :)

وهذا المناكير اخترته اصفر من نفس الماركة ..

اتوقع سعره 3 € وشي ..

من الصيدلية لقيت من ماركة فرنسية ، اسمها Galénic , منتج كريمي مضغوط (لون تان) نفس فكرة البودرة المضغوطة ومعه حماية من الشمس تصل لـ ٥٠ .. سعره 32 € ..

هالعطرين من Roger & Gallet , قريت ريڤيوهات انه مرة مشهور بالذات في اسبانيا على الرغم ان الماركة فرنسية ، فحبيت اخذ شي من ريحتهم .. اخذت الاحجام الصغيرة طبعاً ، اللي عاليمين اسمه Cedret , والثاني Gingermbre Rouge .. سعر الواحد تقريباً 25 € ..

زيتين من الصيدلية الموجودة في نفس المحل ، زيت جوز الهند و زيت الارقان .. سعر جوز الهند تقريباً 14 € ،، والثاني كان 6 € .. مااشبع زيوت ههههه ...

واخيراً شريته هههه .. كونسيلر ميبلين المشهور ،، من كثر ما يتكلمون عنه في كل مكان شريته عشان اجربه .. اول واحد شريته من نفس المحل و كان سعره حول 9 € ولما رحت سوبرماركت عندهم لقيته ارخص وسعره 6-7 € ..

اللي لاحظته انه ماكان عندهم درجات ،، بس درجتين تقريباً ، هذي الدرجة وثانيه افتح .. وغير كذا مو نفس اللي عندنا بالارقام ، هذي الدرجة نيود .. جربته مرة ومبدئياً حلو ..

من بورجوا ، اخذت مسكرتين للحواجب وحده فاتحة و الثانية اغمق شوي ،، ومن ريميل اخذت قلم كحل ووتربروف بدرجة Taupe 004 ,, حبيت الدرجة وجربتها مرة مايبين اللون بس بجربها و انا فايقة له اهم شي انه ماحرق عيوني :) ..

من سيفورا ،، اخذت القلم اللي داخل العين البيج اللي دايم خالص هنا ، هناك عندهم بالكوم ههه سعره 7.95 €،، واخذت بعد الروج اللي على شكل قلوس ويتحول لـ مطفي وثباته عالي ، الاحمر رقمه 01 اخذته كتغيير والثاني الوردي طبعاً الالوان اللي احب رقمه 13 سعر الواحد 12.50 € .. واخذت بعد عطر صغير للشنطة ريحته جميلة مرة منعشه Cotton سعره 4.90 €..

واخذت للشعر الفرشة المشهورة Tangle Teezer وسعره 16.50 € .. بعد من سيفورا ..

ومن مطار مدريد في يوم الرجعة من سوقهم الحرة ، اخذت من OPI مناكيرات ، اللي عاليمين اسمه Dont Bossa Nova Me Around .. وسويتله سواتش على الانستقرام ، والثاني اسمه I'll Tinsle You In ..

سواتش لـ .. Don't Bossa Nova Me Around

ومن نفس المطار ، عطر من كارتييه .. اول مرة احب عطر من اول رشة ،، ويصلح للجنسين .. سعره 70 - 80 € ..

ومن Primark , مرطبين للشفايف من ڤازلين ..

ومن سوبرماركت عندهم ، اخذت كولونيا للاطفال ،، مدري شالمسكة :))

قطن للوجه ، الواحد بـ 0.75 € من بريمارك ..

من محل Primark في مدريد ، وهو محل بريطاني فاتح فرع هناك ، مثل ماتقولون يبيع اشياء حلوة ورخيصة ..

تيشرتات لي ،، خفيفة ،، اتوقع انها لبسة ثنتين و اقولها شكراً هههه

اسعارهم للواحد اقل من 10 € ..

ماقدرت اقاوم اللطافة :))

تاج الورد | طوق للشعر ..

السلال حُب :))

لمبات Fairy Lights كل شوي اخذ واحد وارجع الثاني واخذ ثاني وارجع الثالث ،،

وبالاخير اخذتهم كلهم هههه ، اشكالهم حلوة مرة ..

تغليفات او تجليدات ..

شنطة ميك اب ،، مدري ليش اخترت هاللون اعاند في نفسي :|

هالشمعة عجبتني الدجاجه :P

آشياء متفرقة من اماكن متعددة ..

هالفانوس ،، :((( حبيته ..

جلي فلات من مليسا Melissa Jelly Shoes flat - كان بـ 29 €

من محل ناشيونال جيوقرافيك National Geaographic , في شارع Gran Vía وهذا اشهر شارع في مدريد باختصار ..

كان المحل يسوي تصفية و اخذتها بـ 8 € ..

الكرة الارضية معلقة بمغناطيس ..

لي .. من الاوتلت في مدريد كان فيه محل ، مش كل المحلات تتبيع تخفيض ومدري ايش ، المهم ان هالمحل عجبتني بضاعته واخذت هالتيشرتين ، اسم المحل Dolores Promesas ..

الوردية بـ 29.90 € والثانية بـ 23.90 € ..

ومن محل El Corte Inglés قسم الادوات المنزلية اخذت هالصندوق للمناكيرات ، بس طبعاً وصل وهو متعفط وحالته حاله ..

من محل ديزني Disney ,,

كوب حقي مقي :))))

هذي الحب :)))))

من مطار مدريد شفتها و حبيتها مررة مررة ،، كني شفت نفسي فيها ههههههه خدود وشقرااا :P

سعرها 78 € ..

من سوق الاحد في مدريد ..

في مدريد عندهم كل يوم أحد سوق مثل السوق الشعبي اسمه El Rastro يفتح من الصباح الساعة ثمانيه الين الظهر الساعة ثنتين و نص .. كل العالم تبيع هناك ، اي احد عنده بضاعة يعرضها و تلقين كل شي فيه ، اشياء مستخدمه واشياء جديدة و اشياء ڤنتج اثرية وغالية كل شي كل شي .. حبيته مرة و اللي يروح لمدريد لازم يروحله تجربة حلوة ..

اترككم مع الصور :)

للقهوة والشاي ممكن ..

من بائع هندي ،، انبسط علينا لما شافنا ، كان مسلم ، وقعد يسولف مع بناتي و يسمع لهم قرآن ،، وولده كان معه يبيع ،، ويقول انه حلمه انه يزور مكة :( ..

كان يعرض ألعاب (مو للأطفال) للي يحبون يجمعون الاشياء النادرة ممكن او اللي لها قصة ،، اللي عاليمين لها قصة انها من تاريخ معين او شي ،، بس الآلية حقتي مالها تاريخ بس انها الروبوت الانثى الوحيد هههههه ..

اسعارهم 12 ، 14 €

من كثر ماني مقطعة المطبخ هههههه هالمريلة للذكرى ،، عاد من جد تغيرت من رجعت من مدريد صرت اطبخ من قلب ،، اعوض عن الجوع ههههههه ،، هناك مافيه الامكدونالدز و لا دومينوز ولا برقر كينق ،، ومرة جربنا مطعم في الاوت لت حقهم كان حلو و اكلنا اكلة اسبانية فيها رز و شريمب ،، والرز كانه مقلي ماعرف او ناسية اسم الاكلة بس كان لذيذ ..

هناك لاحظت بعضهم بمجرد انه يشوف الحجاب خلاص يحترم هالشي وينبهك ويقول لو الاكل فيه خنزير تكرمون او الاكل مافيه خنزير ، و فيه نوع ثاني على النقيض تماماً ، مع اني اسأل وااكد عليها انه مافيه خنزير والله ويجيني الطلب وانا ماعرف طعمه، عرفته من ريحته !!! طبعاً غير لغة الاشارة هناك ،، لو لقيت احد يتكلم انجليزي كنه العيد ..

شنطة لا تقاوم .. عارفة اني ماراح البسها بس شكلها تحفة ..

احذية القش تكرمون ، الواحد بـ 7 € تقريباً او اقل ..

وهالعرايس .. مدري اش جاني يوم شفتهم ،، من زمان ماشفت كذا ،، حاجه اوريجينال خالص .. كان عند البايع ثلاثة و قلت لبناتي انه لكم وطبعاً بشروط هههه بيبقون عندي زينه :))))

العروسة الوحده تقريباً 15 € ..

اذكر يوم شريتهن وحدة جاتني تركض شافت الهزبند راح يودي الاغراض وجت تسآلني عن العرايس تبي تشوفهم و تشتريهن مني ،، خلاص ياماما راحت عليك :)

شال للذكرى ..

المهفات ،، طبعاً بركات الاطفال وصلت وحدة بإصابة ..

الحين اغراض بناتي :)) ..

من محل ديزني Disney ..

من سوق الاحد ..

من مول في مدريد ..

من سوق الاحد ، شنط كيوته .. الوحدة بـ 5 €

شنط على الظهر ، من سوق الاحد ..

ملابس من بريمارك ..

من رالف لورين Ralph Lauren ,, الاوتلت هناك المحلات ماتبيع شي مخفض ،، اصلا مافيه محلات ماركات كبيرة ،، بس كارولينا هيريرا كأنه رامز من الزحمة ،، بس الباقي لا محل قائم بذاته مثل رالف لورين ..

احب القمصان عالبنيات :)))))

من سمسونايت شنطة للمدرسة لتالا ..

و عشق دان ،، صوفيا !!

لعبتين قطنيتين ع اساس يمثلون فيهن و يلعبو ،، طبعاً تشربكت الخيوط قبل توصل خخخخخ .. من سوق الاحد ..

عجبني هالفستان من زارا ،، والمشكلة المحل من برا ماكان اسمه زار ، شي ثاني ،، بس في التاق زارا ،، عاد تدرون مامريت لا زارا و لامانقو ،، هذا وانا في ديرتهم !!

احب الابيض .. :)