الكونتور باليت والارواج السائلة من كات ڤون دي Kat Von D

بسم الله الرحمن الرحيم

موضوع اليوم عن منتج متحمسة عليه من قبل حتى لا اشتريه ..

الكونتور باليت والهايلايت من ماركة كات ڤون دي Kat Von D

وبعد الارواج السائلة المطفية حقتهم



نبدا على طول في الريڤيو :)

Kat Von Do Shade & Light Contour Palette 



في البداية بقولكم ليش اخترت هالباليت بالذات ،، قبلها كنت ابي اشتري الكونتور باليت من انستازيا ، المتوفر منه ٣ درجات ،ولان اختي عندها منه ، كنت حاطه في بالي اخذ الدرجة الميديوم .. 

مع الوقت بدت محلات التجميل توفره عندها ، دخلت مرة محل تجميل موجود في الطائف وشفته هناك..

واحترت اخذ النسخة البودرة و الكريمي ولا انتظر اخذه ارخص لا رحت دبي ، هههه ، كنت ناسية السعر ومابي ادفع زيادة وانا رايحة دبي رايحة ، لانه متوفر هناك ، فقلت خنـ اصبر .. وزين ماسويت :))

في ذاك الوقت نزلت ولاء موضوع كمقارنة بين باليت الكونتور من انستازيا و كات ڤون دي

قررت بعدها قلت كتغيير وشي جديد اخذ كات ڤون دي ، وابشوف سيفورا دبي يمكن القاه و لقيته :)

الكونتور باليت من كات ڤون دي متوفر بدرجة واحدة بس لكن الدرجات اللي فيه من اضاءة وكونتور تناسب جميع البشرات الباردة و الدافئة و العادية



__وصف المنتج__



التعليب والتغليف  : 

علبة من ورق مقوى و في الداخل مراية كبيرة بحجم العلبة ، ومن برا زخارف باسم الباليت ، شي كذا فني حبيته واتوقع من سر نجاح كات ڤون دي ومنتجاتها اهتمامها بالتفاصيل الفنية واللي سمعت انها هي تقوم فيها بنفسها!

بس مع الوقت لاحظت ان اللون الفضي فيه وخاصة ان اسماء الدرجات بهاللون ، يروح ، لاني كنت حاطته في شنطة مكياج ومع التنقل وكذا ، مِنه يمكن ..

لما شريته كان في كرتون خارجي ، ومعه مثل الخطوات التوضيحية لاِستخدام الباليت مِثل الصورة السابقة فوق ..



 كمية المنتج  :

للهايلايت ٣* (٢.٣ غرام = ٠.٠٨ أونصه) اصغر من الكونتور ٣* (٤.٥ غرام = ٠.١٦ أونصه)



المنتج يحتوي على ٣ درجات من الإضاءة و ٣ الوان للكونتور (ظل)

في العمود الاول من اليسار ، الاضاءة والكونتور تناسب البشرات الباردة Cool Toned

الأوسط تناسب البشرات ذات الدرجة الطبيعيه  Netural Toned 

واليمين تناسب البشرات الدافئة Warm Toned

اسماء الدرجات :

لاحظت ان تسمية الدرجات مرتبطة بإسم الباليت ، الإضاءة  كلها تبدا بحرف L من اسم الباليت Light

والكونتور Shade , تبدا بحرف S .. تفاصيل :)))



الإضاءة Light

Lucid : لون وردي فاتح

Lyric : لون اصفر فاتح

Levitation : لون مشمشي فاتح وناعم



الظل Shade

Sombre : رمادي بني 

Shadowplay : بني متوسط

Subconscious : بني غامق



القوام :

بودرة ناعمه حريرية كنها كريمية من نعومتها و اللون (Pigmented) فيها عالي جداً و سهل التوزيع و الدمج ،، فلو حبيتي تستخدمين الكونتور لازم تبدين بكمية بسيطة جداً وبعدها تزيدين ، وحتى الإضاءة والالوان الفاتحة تبان عالبشرة ، جربت حق اختي من باليت انستازيا ، الالوان الفاتحة فيها ماتبين وكم وكم الفرشة تروح وتجي عشان يبان اللون ولا يبين ،، في كات ڤون دي ، الاوان الفاتحة ما احتجت الا لتمرير الفرشة مرة وحدة ..



  استخدامي   :

بالنسبة لدرجة بشرتي فهي (طبيعية) مو دافئة ولا باردة .. 

ماحترت كثير في البداية عشان اعرف اللي يناسبني ، من اول تجربة لكم درجة عرفت المناسب ،،

واعتبر نفسي محظوظة لان اصحاب الدرجات الطبيعية من تجربتي يناسبهم استخدام الدرجات المتوفرة في الباليت سواء الباردة او الدافئة من الكونتور والهايلايت ، لو بغت حدة للون المونتور وشي درامي وواضح اكثر ..



ألوان الكونتور في هالباليت لاحظت ان مافيه درجة البرتقالي المزعج ، بالعكس ، فيها الكونتور صح المايل على رمادي

وايضاً بالنسبة للهايلايت ، استخدم اللون الوسطي الاصفر لماتحت العيون بعد الكونسيلر وتمااام ، يثبت الكونسيلر وينور ماتحت العين ..



استخدم في التوزيع فرشة خاصة لكل من الكونتور والهايلايت ، وفيه فرشة برأسين للكونتور و الهايلايت تنباع منفصلة ، بس لان عندي فمسكت نفسي و ماشريتها ..



ثباته عالي ويدوم لفترة طويلة ، الى اخر المناسبة وهذا شي اعجبني فيه كثر ..



عيبه الوحيد اللي اشوفه انه مافيه تعبئة ، يعني لو انتي مناسبِتك درجة واحده من الكونتور و الهايلايت وخلصت لازم تشترين جديدة ، بس ممكن استخدام الباليت مع اختك او الماما لو كانت درجاتكم تختلف عن بعض :)))



يستاهل ولا لأ : يستاهل كل ريال ! احبه مرة ..



أماكن البيع : سيفورا 

السعر : ٢٣٠ درهم

Kat Von Di Liquid Lipstick



مثل ماذكرت في موضوعي اللي فات عن حبي للآرواج السائلة ذات النهاية المطفية ، ما ترددت ابداً في تجربة ارواج كات ڤون دي من نفس الفكرة ..



اخترت درجتين من الالوان الطبيعية المناسبة لكل وقت ، و درجة قوية غامقة دامنا مقبلين على فصل الشتاء :)

حبيت كل الاوان ، اللونين الوردي والمايل للمشمشي لما حطيته صار أغمق من لونه في العلبة

اللون الغامق الدموي شي صرعة مو طبيعي ههههه ،، انا توي هـ هـ قصتي في الحب مع الالوان الغامقة وهذا يجنن ،، حطيت منه في زواج اخوي ، عجب عُجاب، ومو كل شوي اعيد عليه بس كم مرة لما بغيت استرخي ههههه ..



الدرجات :

Lolita : لون وردي غامق مائل للبنفسجي

Double Dare : لون وري غالب عليه المشمشي

Vampira : عنابي غامق



المواصفات :

الحجم : ٦.٦ مل واعتبر كميته ممتازة بالنسبة لجودته و سعره مقارنة في موضوعي السابق لسيفورا و لايم كرايم

التعليب : علبة بلاستيكية

اللون : واضح و كمية اللون كبيره وتركيزه عالي

القوام : سائل كريمي

النهاية : نهاية مطفية تماماً

الرائحة : رائحة مكياج عادي

التوزيع : سهل وبأقل كمية

الفرشة : حجمها مناسب ويساعد في التوزيع 

يدبق او لأ : لا أبداً ، بعد التوزيع ماياخذ وقت ويجف 

الثبات : عالي ويستمر لفترة طويلة تقريباً ٤ ساعات من غير مايتغير ، واخر اليوم اضطريت اشيله مع المكياج بمزيل الميك اب ، بس لازم يكون يحوي زيت ماينفع مزيل مكياج مائي

السعر : ١٠٠ درهم

الشراء : سيفورا

   السواتشات    

شرايكم ،، في منتجات كات ڤون دي ؟

اذا جربتوا شي منها شاركوني تجاربكم :)



و

ألقاكم في مواضيع جديدة

مع السلامة :* 

اشترك معنــا ليصلك كل جديد
Subscribe to our mailing list