مشترياتي من ايهرب | iHerb

بسم الله الرحمن الرحيم

ايهرب | iHerb

هالموقع إدمان :)

هذي المرة الثالثة اللي اطلب منه وكل مالي اتعلق فيه زيادة ههههه



موضوع اليوم عن مشترياتي الاخيرة منه .. وفيه بعضها ثاني مرة اطلبها ..



لو كنتي اول مرة تطلبين , جربي تدخلين من هالرابط لـ  ايهرب | iHerb

وراح تحصلين على خصم بقيمة 5$ دولار ..

او ممكن تستخدمين هالكود QFL558



بالضغط على اسم كل منتج راح يوديك لرابطه في  ايهرب | iHerb





نبدا ..

عسل غذاء ملكات النحل الخام من واي اس ايكو بي فارمز | Y.S. Eco Bee Farms, Royal Jelly, in Honey



ثاني مرة اشتريه ..

في المرة الاولى شريته وكنت اخذه منه ملعقه عالريق في الصباح ..

كان قوامه سايل شوي مثل العسل العادي بس هالمرة جاني وهو متماسك اكثر بس يمكن من الجو و البرد ،، جربته وما فرق معي الطعم ابداً ..

هذا النوع في الصورة عسل معاه غذاء الملكة خام مو مخلوط معه اي شي 40,000 mg ..

وفيه انواع ثانية ، نوع : مخلوط معاه حبوب لقاح النحل و العبكر 36,000 mg

ونوع ثاني : مخلوط معاه حبوب لقاح النحل و العبكر و الجنسنق 20,000 mg



فـ اللي جربته و حبيته هو النوع الاول ، عسل و غذاء الملكة الخام فقط.



فوايده:

فوايد غذاء الملكة كثير ومنتشرة في النت ..

مثل رفع مستوى المناعة في الجسم و زيادة النشاط والتركيز ..

هذا كان سببي الرئيسي للشراء .. و الحمدلله نتايجه عجبتني مرررة ..

عسل كلوفر من واي اس بي فارمز | Y.S. Eco Bee Farms, Pure Premium Clover Honey



عسل يُستخدم في الشراب كبديل للسكر مثلاً و يناسب الطبخ ..

انا استخدمه في وجبتي الصباحية في التوست ..



هالعسل درجة A Grade



ايش يعني ؟

الدرجات وتقسيمها هو على بناء على معايير وزارة الزراعة الامريكية USDA ..

وتكون بناء على اكثر من عامل مثل : المواد الصلبة الذائبة - محتوى الماء ، النكهة ، الرائحة ، غياب العيوب و اللون.



درجة اي A : جيد

درجة بي B : جيد بشكل معقول

درجة سي C : جيد الى حد ما



الدرجة A يكون العسل او النحل المنتج للعسل مُربى و يُغذى في محمية (منطقة) خاصة ولا يتم اضافة اي مُحليات او شراب للعسل.

اما الدرجة B فتكون تغذية النحل غير مُتحَكم فيه ومن اكثر من زهرة ..

شطة سريراشا | Sriracha Hot chili Sauce



هالشطة كثير كنت اسمع عنها ..

اتوقع الحين صارت متوفرة عندنا ..

جربتها من شريتها زين طعمها مو لاذعه مرة ..

سكر جوز الهند العضوي من نوتيفا | Nutiva, Organic Coconut Sugar



اول مرة اشتريه واجربه ..

حبيت انه عضوي ، وغير مُكرر ..

صرت أهتم في الفترة الاخيرة بجودة المنتجات اللي استخدمها واحرص اني اختار شي مفيد ..

:)

زبدة الفول السوداني الناعمة من بينت بتر اند كو | Peanut Butter & Co. Creamy Peanut Butter



زبدة الفول السوداني من بينت بتر اند كو مع شراب القيقب | Peanut Butter & Co., Mighty Maple, Peanut Butter Blended with Yummy Maple Syrup



زبدة الفول السوداني من بينت بتر اند كو مع الكاكاو الابيض | Peanut Butter & Co.Peanut Butter Blended with Sweet White Chocolate



زبدات الفول السوداني من شركة بينت بتر اند كو Peanut Butter & Co احبها

مافيها حلا بزيادة و غير كذا ما تحتوي على زيوت مُهدرجة ..



بالنسبة للطعم .. في المرة الاولى شريتهم بس ماحسيت بفرق كبير في الطعم

هالمرة بتأكد من حاسة الذوق عندي هههههه

زيت الترطيب من مونوي تياري تاهيتي (يلنق يلنق) | Monoi Tiare Tahiti, Ylang Ylang



عبارة عن خليط لزيت جوز الهند مُعطر بزهور تياري

من الوصف للاستخدام انه مناسب للترطيب و ايضاٍ لاطراف الشعر الجافة وبعد مـ زيت للمساج



بالنسبة لي سبب شرائي له فضول اجرب شي فيه رائحة اليلنق يلنق و جوز الهند ،، فبخليه بس لترطيب للجسم ..

زيوت عطرية من ناو فودز | Essential Oils from Now Foods



مجموعة من الزيوت العطرية من ناوفودز Now Foods اول مرة اجربها فما اعرف ريحتها بالضبط الا بالوصف من الموقع ..

سبب الشراء : راح استخدمها في فواحة بخار (ماء)

جميع احجامهم ٣٠ مل



راح اذكر اسم كل زيت ووصفه مع الرابط اكيد لوصف اكثر للمكونات ..



الاعلى من اليمين :

Uplifting Blend, Cheer Up Buttercup!

حمضي و اعشاب خفيفة ، منعش مرة



Peace & Harmony

نعناع على ورد خفيف



Sleep Blend, Peaceful Sleep

زهور حمضية خفيفة حبيتها مرة على ذوقي



Clear the Air, Purifying Blend

نعناع مُنعش



الاسفل من اليمين :



Naturally Loveable

زهور حلوة وحمضية



Cedar wood

خشبة الأرز ، رائحته خشبيه دافئة



Ylang Ylang

ازهار



Sandalwood

زهر و نغمات من الخشب والفواكه

هدية من ايهرب ، اول مرة يرسلون هدايا هههه

عبارة عن قماش لتنظيف النظارة .. ...





وبس كانت هذي مشترياتي الاخيرة من ايهرب

..



ايش اخر شي شريتوه من ايهرب ، تنصحوني اجربه :))



ألقاكم في مواضيع قادمة ..

مع السلامة :*

ليصلكِ الجديد ؛ اشتركِ معنـا
Subscribe to our mailing list

طلباتي من نوردستورم | Nordstorm

بسم الله الرحمن الرحيم

الموضوع اليوم عن اشياء طلبتها من موقع نوردستورم | Nordstorm



في طريقة الطلب قريت ان فيه بنات يطلبون ويوصلهم مباشرة على السعودية بس انا اخترت انه يشحنه لبريدي الامريكي عن طريق خدمة الشوب اند شيب ، لانه اول مرة اطلب منهم ..

فيه منتجات ماتنشحن لبرا امريكا حتى لو على البريد الامريكي ..

فكانت الاغراض اقل من المفروض هههه ..

كل منتج راح ارفق اسمه بالرابط له على النوردستورم ..



نبدا ..

باليت الإضاءة من آورقلاس | Hourglass Ambient Lighting Palette



هالباليت من اورقلاس هو السبب الرئيسي لطلبي من نورستورم ..

كان في بالي اشتري الباليت اللي فيه هذي المجموعة و معها بلشرات ..

بس الريڤيوهات اللي قريتها وشفتها عنه ماكانت مُشجعه بسبب حجم البلشر الواحد ..

فغيرت رأيي واكتفيت بهالباليت للإضاءة ..

الإضاءة فيها جاية على درجات البرتقالي (المشمشي) والوردي و البرونزي التوبي الفاتح ..

جربتهم كذا مرة بس ماعرفت لسا رأيي فيهم !!



سعره ٢٣٣ ريال

مرطب ملون مطفي من جوير | Jouer matte moisture tint



المنتج من جوير اول مرة اشوفه واسمع عن هالماركة .. حبيت اجرب شي جديد مرة تحمست له

اخترته لانه مطفي (فيه نوع ثاني للبشرات الجافة وغير مطفي)

بالنسبة للدرجات اخترت (كاموميل Chamomile) بحثت في السواتشات وقريت الريڤيوهات اللي كانت قليلة جداً عنه، بس اخترت درجة اغمق شوي وطلعت مرررة مناسبة ..

هذا وانا كنت مختارة من اول درجة افتح بس زين غيرت في اخر لحظة واشوا صابت هالمرة :))

ريفيو قريب ان شاء الله عنه :)



سعره ١٦١ ريال

غسول الوجه بيورتي من فيلوسفي | Philosophy Purity facial Cleanser



هالغسول من بيورتي من زمااان وانا ودي اجربه .. اخذ جوائز و سمعته حلوة ..

واللي خلاني زيادة اطلبه انه في حجم صغير للسفر ..

للأن ما جربته ..



سعره ٦٠.٥٠ ريال

زبدة عضوية للجسم | Organic belly balm



في اخر لحظة شفت الزبدة لمنطقة البطن ، حبيت كيف تخصيصها لهالمنطقة

الشركة اغلب منتجاتها عضوية وكان عليها تخفيض في ذيك الفترة ..

فاخذتها حبيت اجرب شي جديد بس للاسف ماستفدت من الخصم لانها جتني لحالها و دفعت الخصم وزيادة قيمة الشحن هههههه ..

جربته مرة وحبيت القوام .. ان شاء الله بالتفصيل راح اتكلم عنه ..

سعره حول ٦٠ ريال

وبس هذي كانت طلباتي من موقع نوردستورم ..

وش عجبكم و اخر طلباتكم منه .. :)



ألقاكم في مواضيع قادمة ..

مع السلامة :*

ليصلكِ الجديد ؛ اشتركِ معنـا
Subscribe to our mailing list

أرواجي المُفضلة لـ شتاء ٢٠١٥/٢٠١٦

بسم الله الرحمن الرحيم

موضوع اليوم عن أرواج غالبيتها غامقه استخدمها هالفترة ..

الارواج الغامقة تعطي فخامة لمكياجك .. يعني حتى لو ماكنت حاطة شي وبس روج غامق خلاص انتهت المُهمة :))

يبين كني حاطة فُل مكياج و تعبانه عليه هههه ..



الارواج المطفية تحتاج منا عناية اكثر بالترطيب عشان تبان حلوة لما نحطها

في موضوع سابق سويته عن مرطبات الشفايف والعناية فيها في الرابط هِـــنا



نبدا ..

من ماك ..

أرواج بـ نهاية مطفية ولون غني ..

Mac Heroine

هيروين من ماك



لون بنفسجي فاقع ،، ينساب بعض درجات البشرة ،، نهايته مطفية و مع كل طبقة تزيد قوة اللون

من الآلوان الجريئة بصراحة ، تحتاج مكياج بتغطية مناسبة للبشرة..

حلو كتغيير :)

Mac Rebel

رِبل من ماك



احب هاللون جداً ،، بنفسجي غامق مرة بنهاية مخملية Satin لون فخم :)

Mac Diva

ديڤا من ماك



اشهر لون من الدرجات الغامقة عند ماك ، لون عنابي غامق ومطفي جداً

احبه مررة .. ومن المُفضلين عندي طول الوقت و يناسب اغلب البشرات ..

Mac Taupe

تَوب من ماك



هاللون يختلف عن اللي فاتوا ،، مو غامق ،، درجته بيجي تيود ،، بس مين قال مانقدر نحط هالالوان في الشتا هههه

لقيت نفسي استخدم الوان طبيعيه مايلة للمشمشي مع اني كنت مدمنة للاوان الوردية و الزهر ..

هاللون يناسب جميع البشرات ، نهايته مطفية و يتغيد معك حسب قلم التحديد اللي بتستخدمينه قبل

جميل جداً ..



 سواتشات للأرواج 

من اليمين لليسار ..

تَوُب Taupe

ديڤا Diva

رِبل Rebel

هيروين Heroine

Color pop Beeper

بيبر من كولوربوب



هاللون يجنن يجنن .. من مجموعة Ultra Matte Lip من كولور بوب

اللون بعد توزيعه على الشفايف ، وبعد ما يجف ، يصير لونه أغمق من لونه في العلبة

يعطي لون بيج غامق مايل للبنفسجي المرمد ..

يناسب جميع درجات البشرة ..

يستاهل :)

Kat Von Di Vampira

ڤامبيرا من كات ڤون دي 



اللون اللون !! ماتتخيلون كيف قوي حيل !

لونه احمر عنابي بدرجات بني ،، من مجموعة الارواج السائلة ذات النهاية المطفية

جميل جداً

MUFE Plexi Gloss 406

٤٠٦ بليكسي قلوس من ميك اب فوريفر



هالقلوس لونه غريب!!

اول مرة بصراحة استخدم قلوس بلون غامق ويبان فعلاً لما احطه!!

لونه مايل للفوشي اكثر من  لونه في العلبة

استخدم قبله محدد عنابي من ماك اسمه بيرقندي Burgundy

حلو حلو وثباته يدوم مو مثل باقي القلوسات العادية



 سواتشات 



من اليمين لليسار:

ڤامبيرا Vampira

بيبر Beeper

٤٠٦ 406

ايش اعجبكم اكثر شي ،، وايش هو لونكم المُفضل للدرجات الغامقة :))



ألقاكم في مواضيع قادمة ..

مع السلامة :*

ليصلكِ الجديد ؛ اشتركِ معنـا
Subscribe to our mailing list