بسم الله الرحمن الرحيم
ايهرب | iHerb
هالموقع إدمان :)
هذي المرة الثالثة اللي اطلب منه وكل مالي اتعلق فيه زيادة ههههه
موضوع اليوم عن مشترياتي الاخيرة منه .. وفيه بعضها ثاني مرة اطلبها ..
لو كنتي اول مرة تطلبين , جربي تدخلين من هالرابط لـ ايهرب | iHerb
وراح تحصلين على خصم بقيمة 5$ دولار ..
او ممكن تستخدمين هالكود QFL558
بالضغط على اسم كل منتج راح يوديك لرابطه في ايهرب | iHerb
نبدا ..
عسل غذاء ملكات النحل الخام من واي اس ايكو بي فارمز | Y.S. Eco Bee Farms, Royal Jelly, in Honey
ثاني مرة اشتريه ..
في المرة الاولى شريته وكنت اخذه منه ملعقه عالريق في الصباح ..
كان قوامه سايل شوي مثل العسل العادي بس هالمرة جاني وهو متماسك اكثر بس يمكن من الجو و البرد ،، جربته وما فرق معي الطعم ابداً ..
هذا النوع في الصورة عسل معاه غذاء الملكة خام مو مخلوط معه اي شي 40,000 mg ..
وفيه انواع ثانية ، نوع : مخلوط معاه حبوب لقاح النحل و العبكر 36,000 mg
ونوع ثاني : مخلوط معاه حبوب لقاح النحل و العبكر و الجنسنق 20,000 mg
فـ اللي جربته و حبيته هو النوع الاول ، عسل و غذاء الملكة الخام فقط.
فوايده:
فوايد غذاء الملكة كثير ومنتشرة في النت ..
مثل رفع مستوى المناعة في الجسم و زيادة النشاط والتركيز ..
هذا كان سببي الرئيسي للشراء .. و الحمدلله نتايجه عجبتني مرررة ..
عسل كلوفر من واي اس بي فارمز | Y.S. Eco Bee Farms, Pure Premium Clover Honey
عسل يُستخدم في الشراب كبديل للسكر مثلاً و يناسب الطبخ ..
انا استخدمه في وجبتي الصباحية في التوست ..
هالعسل درجة A Grade
ايش يعني ؟
الدرجات وتقسيمها هو على بناء على معايير وزارة الزراعة الامريكية USDA ..
وتكون بناء على اكثر من عامل مثل : المواد الصلبة الذائبة - محتوى الماء ، النكهة ، الرائحة ، غياب العيوب و اللون.
درجة اي A : جيد
درجة بي B : جيد بشكل معقول
درجة سي C : جيد الى حد ما
الدرجة A يكون العسل او النحل المنتج للعسل مُربى و يُغذى في محمية (منطقة) خاصة ولا يتم اضافة اي مُحليات او شراب للعسل.
اما الدرجة B فتكون تغذية النحل غير مُتحَكم فيه ومن اكثر من زهرة ..
شطة سريراشا | Sriracha Hot chili Sauce
هالشطة كثير كنت اسمع عنها ..
اتوقع الحين صارت متوفرة عندنا ..
جربتها من شريتها زين طعمها مو لاذعه مرة ..
سكر جوز الهند العضوي من نوتيفا | Nutiva, Organic Coconut Sugar
اول مرة اشتريه واجربه ..
حبيت انه عضوي ، وغير مُكرر ..
صرت أهتم في الفترة الاخيرة بجودة المنتجات اللي استخدمها واحرص اني اختار شي مفيد ..
:)
زبدة الفول السوداني الناعمة من بينت بتر اند كو | Peanut Butter & Co. Creamy Peanut Butter
زبدة الفول السوداني من بينت بتر اند كو مع شراب القيقب | Peanut Butter & Co., Mighty Maple, Peanut Butter Blended with Yummy Maple Syrup
زبدة الفول السوداني من بينت بتر اند كو مع الكاكاو الابيض | Peanut Butter & Co.Peanut Butter Blended with Sweet White Chocolate
زبدات الفول السوداني من شركة بينت بتر اند كو Peanut Butter & Co احبها
مافيها حلا بزيادة و غير كذا ما تحتوي على زيوت مُهدرجة ..
بالنسبة للطعم .. في المرة الاولى شريتهم بس ماحسيت بفرق كبير في الطعم
هالمرة بتأكد من حاسة الذوق عندي هههههه
زيت الترطيب من مونوي تياري تاهيتي (يلنق يلنق) | Monoi Tiare Tahiti, Ylang Ylang
عبارة عن خليط لزيت جوز الهند مُعطر بزهور تياري
من الوصف للاستخدام انه مناسب للترطيب و ايضاٍ لاطراف الشعر الجافة وبعد مـ زيت للمساج
بالنسبة لي سبب شرائي له فضول اجرب شي فيه رائحة اليلنق يلنق و جوز الهند ،، فبخليه بس لترطيب للجسم ..
زيوت عطرية من ناو فودز | Essential Oils from Now Foods
مجموعة من الزيوت العطرية من ناوفودز Now Foods اول مرة اجربها فما اعرف ريحتها بالضبط الا بالوصف من الموقع ..
سبب الشراء : راح استخدمها في فواحة بخار (ماء)
جميع احجامهم ٣٠ مل
راح اذكر اسم كل زيت ووصفه مع الرابط اكيد لوصف اكثر للمكونات ..
الاعلى من اليمين :
حمضي و اعشاب خفيفة ، منعش مرة
Peace & Harmony
نعناع على ورد خفيف
Sleep Blend, Peaceful Sleep
زهور حمضية خفيفة حبيتها مرة على ذوقي
Clear the Air, Purifying Blend
نعناع مُنعش
الاسفل من اليمين :
Naturally Loveable
زهور حلوة وحمضية
Cedar wood
خشبة الأرز ، رائحته خشبيه دافئة
Ylang Ylang
ازهار
Sandalwood
زهر و نغمات من الخشب والفواكه
هدية من ايهرب ، اول مرة يرسلون هدايا هههه
عبارة عن قماش لتنظيف النظارة .. ...
وبس كانت هذي مشترياتي الاخيرة من ايهرب
..
ايش اخر شي شريتوه من ايهرب ، تنصحوني اجربه :))
ألقاكم في مواضيع قادمة ..
مع السلامة :*
ليصلكِ الجديد ؛ اشتركِ معنـا
Subscribe to our mailing list
مواضيع ذات صلة
ليست هناك تعليقات:
إرسال تعليق